منتدى شباب الوطن العربى
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى شباب الوطن العربى


 
الرئيسيةمكتبة الصوربحـثالتسجيلدخولدخول الاعضاء
المواضيع الأخيرة
» ايا اماه اشتقلك
الخميس مايو 24, 2018 7:51 pm من طرف عصام عبدالمغيث

» ايا اماه اشتقلك
الخميس مايو 24, 2018 7:50 pm من طرف عصام عبدالمغيث

» اسمعى يا بنت الحلال
الخميس مايو 24, 2018 7:43 pm من طرف عصام عبدالمغيث

» لكى انتى محبوبتى
الإثنين أبريل 04, 2016 3:08 pm من طرف عصام عبدالمغيث

» ثارت وغضبت مولاتي ................
الإثنين أبريل 04, 2016 3:05 pm من طرف عصام عبدالمغيث

» حبيبتى ملاكى مالى سواكى
الإثنين يوليو 20, 2015 2:15 pm من طرف عصام عبدالمغيث

» صور مطابخ 2015
الأربعاء مايو 20, 2015 11:59 am من طرف نيكيتا

» صعيدى انا
الثلاثاء أبريل 07, 2015 9:32 am من طرف عصام عبدالمغيث

» هييييييييييييييييييه عملنا ثوره
الثلاثاء أبريل 07, 2015 9:24 am من طرف عصام عبدالمغيث

التبادل الاعلاني
pubarab
احصائيات
هذا المنتدى يتوفر على 181 عُضو.
آخر عُضو مُسجل هو نيكيتا فمرحباً به.

أعضاؤنا قدموا 14319 مساهمة في هذا المنتدى في 8330 موضوع
بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
برامج تهمك
 

 

 

 

 

  

 

 

 

 

 

 
الزائرين

شاطر | 
 

 قصــــــــــاص

اذهب الى الأسفل 
كاتب الموضوعرسالة
حاول تفتكرنى
مؤسس المنتدى
مؤسس المنتدى


عدد المساهمات : 325
تاريخ التسجيل : 28/03/2012
الموقع : ....

مُساهمةموضوع: قصــــــــــاص   السبت أبريل 07, 2012 1:53 pm







طلعت رصاصة

والرصاصة بتحسم الموقف لصالحك

بتخلي أفكارك تصالحك

بتفكرك بمصالح المقتول وبتنسيك مصالحك






صوت الرصاصة بيسمعه القاتل وبيسمعه المقتول

وبيسمعه الواقف في أول صف بيصرخ يقول:

حمرا يا عين الغول

صوت الرصاص بيشجع الأعزل

وتلاقي خصمه اتذلّ

وتلاقي خوفه اتشلّ


صوت الرصاص صوت مزدوج من شطرتين

الأولة صوت الماسورة تطرش المقذوف

والتانية صوت شهقة شهيد يشبه قمر مخطوف


موته يشجع صحبته

تقولش خد في شهقته كل الهلع والخوف

ولا الملايكة واقفة جانبينا صفوف وصفوف

صوت الرصاص بيقول قصاص

وإن قلتلي ديّة قتيل وخلاص!!!!

تبقى أكيد قناص






قالوا للولد: إثبِت

ولما مات قالوا لابوه: "إثبت"

يبقى العصابة اللي ارتوت من دمنا كسبت

يبقى البلد خربت

أثبت؟!!!!

أثبت وكل شهيد عليه ألفين شهود

شافوا رحيله زي ما تشوف الغروب في الحزن والرقة!!!

وشافوا تصويب الرصاص في الراس وبمنتهى الدقة!!!

ولا شافوا صول بيقول لأسياده الكلاب لأه!!!

أثبت؟؟!!!.. واللي سفك دمنا قاعد بيترقى








يا ناصر القاتل على المقتول

يا فاصل العلة عن المعلول

بقى ده كلام معقول؟؟!!!!

يا مدوب السم ف عسل محلول

قاتل.. وبيطلع لسانه للقتيل ولأهله واللي شيعوه

وللمحامي والشهود والقاضي والمسؤول

قاتل.. نحاول نمسكه نلاقيله مية ديول

قاتل.. نحاول نحبسه يطلعله ألف فلول

يا ناصر القاتل على المقتول

القاتل استمتع بقتله منتهى المتعة

قتل نفر وخد تلاتة جنبه بالشفعة

قاتل.. وفاكرنا عبيد إحسانه

واللي اتدفن من غير كفن جازز على سنانه

ناقص كمان اللي بيطلب تارُه

ييجوا يقطعوا لسانه







متقولش صفحة جديدة

والصفحة القديمة دمها سايل

واللي كتبها بدمنا

عمال بيتراقص ويتمارض ويتمايل

وإن قلنا خف شوية.. يعندنا ويتثاقل

صفحة جديدة لصالح السافل

ينذل بيها اللي اتقتل ويعز بيها القاتل




مخترتش إني أبقى حي

ولا اللي مات قرر يموت

لكن بإمكاني أعيش شبه الغراب لاخرس إذا اخترت السكوت

اللحظة دي كوبري اتنصب بين لحظتين

والسيد القناص بيسند بوزه عالحافة

والكل عارف هوة مين مهما ورا النضارة يتخفى

جايين نجيب العدل للأيام

محناش دعاة للإنتقام

ولا يوم خطر في بالنا نتشفى

ولا راح نوافق نمشي زي الطرش في الزفة




قصص البراءة الزور بقت مرفوضة

وبنادق القناص في خزنة خصمنا بالواحدة كات معدودة

وإيدينا ماسكة الحلم والدفة


واللي الزمن غره بأعراضنا هنعلمه العفة[/color]






قصر الكلام.. اللي قتل يقتل

واللي يقول غير كدة يا إما قاتل أو يا إما اهبل

اسأل شيوخ الدين أو أي مين يُسأل

اسأل ولي الدم.. غير القصاص يقبل؟

اسأل دموع النيل والورد في المشتل




قصر الكلام.. اللي أذلّ يُذلّ

واللي خذل يُخذل

واللي عزل يُعزل

واللي أكل يؤكل

واللي سأل يُسأل


قصر الكلام: اللي قتل يُقتل




[/color]

الرجوع الى أعلى الصفحة اذهب الى الأسفل
الراضى
كبير المراقبين
كبير المراقبين
avatar

عدد المساهمات : 2062
تاريخ التسجيل : 29/08/2010

مُساهمةموضوع: رد: قصــــــــــاص   السبت أبريل 07, 2012 5:00 pm

اختيار راقى واعى
برقى وجودك
دومت بود

_________________

الرجوع الى أعلى الصفحة اذهب الى الأسفل
 
قصــــــــــاص
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب الوطن العربى  :: منتدى شباب الوطن العربى للأدب والشعر والقصة :: منتدى الشعر والإبداع الخاص بأعضاء شباب الوطن العربى-
انتقل الى: