مشكله كبيره

صباح الخير او مساء الخير

انا يا جماعه عندى مشكله ان البنات اللى انا اعرف اهلهم يتجوزوه او يموتوه
على الموضوع مش انى بصباص او حاجه
الموضوع فى الكوبايات وباردو انا مش حرامى كوبايات افهموه بقا
انا من طبيعتى بحب اشرب الحاجه السخنه فى كوبايه كبيره
وباردو مش بحب اشرب الحاجه وهى سخنه اوى
بسيبها تبرد شويه وكلمه فى سجاره الاقى المشروب برد اوى
فالطبيعى ان فى اخر الكوبايه بيكون المشروب برد اوى
والطبيعى انى مش بعرف اشربه
ولده صاحبى تبص ليا بنظره غريبه اوى
وصاحبى يقولى كمل يا علاء الكوبايه
وانا اقوله شكرا والله مش قادر
وهو يقولى لا معلش يا علاء لازم تكملها
وانا اقوله كتر خيرك والله مش قادر
وهو يقولى لا والله لازم تكملها احنا عندنا بنات عايزين نجوزها
طيب عشان هما عندهم بنات عايزين يجوزهم انا ذنبى ايه
يعنى عشان البنات تتجوز اشرب حاجه سخنه على اساس انها حاجه ساقعه واعمل عبيط ؟
يعنى انا ممكن اكون حل لمشاكل العنوسه فى مصر ؟
اللى عنده بنت بيره ومش لاقى ليها عريس يتصل بيا
يقولى يا استاذ علاء عايزك تشرب معايا فنجان قهوه فى البيت
اخلص انا فنجان القهوه من هنا البنت تتجوز من هنا
وابقا احسن من الخاله نوسه فى زمانها
وكده اضرب سوق الدجل والشعوذه
وانا على كده هبقا غنى ومشهور ما انا مش هعمل كده ببلاش
وممكن اخد نسبه من المأذون .
كل ده حلو
بس تفتكروه ان الستات بتاعت النوادى وجمعيات المطلقات والعوانس هيسبونى فى حالى ولا هيطردونى عشان انا كده هوقف جمعياتهم وكل البنات هتتجوز
ولا اللعب على الجنب الكسبان واحل مشكله تنظيم الاسره
ادخل كل بيت واشرب حاجه ومش اكملها وكده كل البنات مش هتتجوز وكده يبقا حلينا ولا لولب بقا ولا حبوب منع الحمل ولا حته الصفيحه كل ده بسبب انى بحب اشرب الحاجه السخنه فى كوبايه كبيره
ههههههههههههههه