اسمعى يا بنت الحلال

اسمعى يا بنت الحلال
ما انكرشى انى انا بحبك متيم
وانى مغرم وانى دايب فى الغرام
وان الامانى والحنين وهبته ليكى.
وانك ملكتى قلبى وعليه احكمتى الصمام...
واهو مر عليه ثلاث شهور وقبلهم كان مر عام
وانى دايب من الفراق والبعد صعب البعد طام
اسمعى يا بنت الحلال لو قلولك انى انا عايش حياتى طول وعرض
يعلم الله فى البعاد ما نامت لى عين ولا حتى لحظه ارتاح لى بال.
.اسمعى اقولك وشوفى رغم البعاد رغم السهاد ومر ايامى وظروفى
رغم السهر والاشتياق رغم قلقى عليكى و رغم خوفى.
من الفراق والبعد واثاره الوخيمه
والله انى اشوف البعد اكبر من جريمه
أيام بتجري وعمرنا وساعات عقيمه
اما البعاد كان غصب عنى تايه وتاهت فيه حروفى
.مااخبيش عليكى الغربه اخدت منى راق
.زاد الحنين وزاد معاه الاشتياق
واتحمل القلب الاسى ولا عادشى طايق
هيه فين سنين قربك وقت اصحى الصبح فايق
فى البعاد ويا الانين جسمى نحيل ولا عادشى رايق
والناس تشوفنى ويقولولك انه عايق
وانا جوه نفسى وياحيره براكين بقلبى والحرايق
ان جم قلولك ان البعاد اصبح فى دمه
عايش حياته طول وعرض ومهوش فاكر ولا حتى همه
وما هوش راجع ما تصدقيش.
اللى اقدر اقولهولك يا عمرى اتطمنى ولا تقلقيش

لانى انا غيرك ماااااااااااليش

» اسمعى يا بنت الحلال
» الإسلام يحض على العمل والكسب الحلال ولا فرق بين الرجل والمرأة