هييييييييييييييييييه عملنا ثوره

ثوره ثوره وبيت بيت ويا الف وستميه يا ريت....
اى ثوره واى دوله والحكايه بقت مقاوله..
واللى هاوى واللى ناوى واللى حقيقته فى الاساس كان بس غاوى
كل الحكايه بقت حكاوى واللى طبل واللى غنى واللى نال اللى تمنى
...
واللى كان حلمان بجنه وفتح عنيه على السراب
واللى حاضر واللى غاب واللى سف فيكى التراب
واللى واللى وميه هبولى عاللى بيرقص والدراما فى الخطاب
ملينا من كتر الكلام والحكايه صريحه واضحه مهيش بحاجه لانتخاب
والحكايه غريبه خالص عجرفه وكبر وعناد
كل يوم عمال بنحلم والحكايه بقت تمنى
اى تمنى واى تجنى اللى جاى تحكيلنا عنه
فى الشوارع والبيوت ويا القهاوى وفى كل شبر بقت نزاع
واللى طلعله حس طبعا بعدسنين من الضياع
واللى فلوله بتنقح جوه دمه واللى غرقان ويا همه
واللى دايس عالسريع ولا حد همه
واللى وخدها طول وعرض ولا حد لمه
واللى بايع القضيه وماهوش عارف ايه اصلا كان حلمه
والحصيله كانت ضياع اه ضياع وسنين جياع
واللى كان فى يوم مؤيد واللى كان اصلا معارض وا ل لا اشترى ولا حتى باع
اه من وجع الفؤاد فوق ترابك يا بلاد
اه من زيف الحقائق والفساد بكل واد
والمناصب وزعوها و الوضع تحت السيطره تمام وفله فى كل حته
يوم الاجازه انبساط مش وعظ دينى اى وعظ واى دينى اه يا عينى
واللى يتعب من المشيه راح نوزع بسكلته
شفتوا الدلع وسنين جلع اه من الوجع ويا شعب بينخدع
شباب بلادنا شباب سبور قشطه صافى فله بفته
بس حاسب بس اسكت ولا مش عاوز تجملها عيب عليك بلا رمى جته
ايه خلاص عملى وطنى بس حاسب اوزن كلامك
الكلام خطير عليك وحتمى تغير مجالك
بالمختصر بس اسكت كل الكلام الا كلامك
طب حد يوم ايد كلامك ولا الكلام معليهش جمرك
يا ابنى حاسب الخوف عليك من الكلام اللى بيطلع
والا ناوى من المطارعالبوكس تطلع
اه يا بلدى وكل شى ما بقاش واضح
واللى يقول يوم الصراحه كعب داير فى البلاد ولا هوش براجع
عتكتب ايه واتهبب ايه مش خلاص بان اللى فيها وقندلوها
والاراده احبطوها وناهيك عنها المراره وطفحوها
وانت لسه بتكتبلى قصايد يا اخى عايب
روح ودور شى يفيدك ولا متعود بانك الحديد يزين ايدك
روح ودور على النوايب اه النوايب وسيبك من السياسه والكتايب
يا العجايب والغرائب واللى حاضر واللى غايب
مش كان احسن لو نحارب بس اسكت عاوز تحارب يا ابو مخ ضارب
وعملى فيها شاعر وكاتب وعما ل تناكف يا اخى اسكت ملينا من كتر التجارب
من زمان عمال بنوصف فى ترابها انه شهد وانه سكر
ورجعتى تانى مره حنظل والقياده والشعب ثرثر
من زمان كان حلمنا بس نشعر بالامان وحلمنا خلاص تبخر
والجرايدوالبرامج للتواصل جايه زوفه وكل من كان بيحكى لا وكمان صبح يقرر
وغنى ليكى ما تحسبيش غناه داليكى كان مجرد سد خانه واكتساب شعبيه اكتر