الازدواجيه

صباح الخير او مساء الخير حسب الوقت اللى بتسمعنى او بتسمعينى فيه .
من كام يوم جمال البنا المفكر الاسلامى اللى قال عادى تشرب سجاير وانت صايم وقال ان عادى ان البنات تخرج بشعرها
قال رايه فى موضوع البوس.
قال ان عادى الولاد والبنات يبوسو بعض علشان صعوبه الجواز وربنا هيغفر ليهم لان البوسه من الذنوب الخفيفه .
وانا قاعد مع صحابى ولاد وبنات اتكلمنا فى الموضوع ده
ولاد وبنات انا عارف انهم بيبوسو عادى خالص
لقيتهم بيقولوه لا طبعا حرام يا علاء وفضلوه يقولوه ايات قرأن
واحاديث وقيم واخلاق وتربيه وعادات وتقاليد وفضلوه يدونى درس عن الحياه الاسلاميه زادت عن ساعه .
انا مش بتكلم ان البوسه حرام ولا حلال كل واحد عارف هو بيعمل ايه وعارف ان اللى بيعملوه صح ولا غلط .
المشكله ان كده فى ازدواجيه غريبه اوى بس انا ظلمت صحابى اوى لما قلت ان عندهم ازدواجيه .
لان الشعب كله عنده ازدواجيه ده اليغيظ بجد .
يعنى تعالى بص النهارده كميه المظهر الدينى اللى فى الشعب
كتب ومصاحف ونقاب وملحفه وشيوخ واسدالات وقنوات اسلاميه
والمجتمع الفساد فيه عدى الرقب ومسك فى الرقبه .
يعنى تعالى نشوف واحد لابسه ايسدال اللى المصرين اعتبروه من علمات التدين معرفش ليه تلقيها حطه كميه ميكاب او مكياج تكفى خمس بنات مع بعض وركبه المترو مع صاحبتها وكركركر وهاتى كفك وطرقعه وكلام فارغ هى هى نفس البنت تنزل فى محطه انور السادات تلاقى شاب من دول مستنيها وتضرب ايدها فى ايدو وترفع الايسدال وتقوله ( هتودينى فين النهارده .؟ )
تلاقى الاخ من دول باردو واقف فى الشارع ومشيت ادامه واحده حلوه هدومها محزقه شويه تلاقى ماشى وراها ويقول استغفر الله العظيم بصوت عالى ولا حول ولا قوه الا بالله اكنه بيقول للناس كلها انا بغض البصر اهو بس عندى سؤال يعنى مينفعش نغض البصر من غير ما نحرج حد ؟
ممكن تقولى لو انت داخل كافتريا مع واحده صاحبتك وللاسف شوفت اختك قاعده مع واحد عنك الاجابه انا هجاوب مكانك هتروح تطلع _______ ابوها وتهزقها وتوقف ليها تاكسى وتقولها حسابك لما نروح وترجع لصاحبتك وتقولها معلش يا حبيبتى اتاخرت عليكى اه يا شعب مزدوج .
سيبك من الاخوه والاخوات وتعالى نروح اى مصلحه حكوميه عشان تخلص اى حاجه تلاقى الموظف المحترم قاعد وحاتط السبحه فى ايدوه ويقولك ثوانى اصلى وارجعلك ويخلص صلاه ويرجع يختم الصلاه ادامك ويفتح الدرج ويطلع السبحه ويسيب الدرج مفتوح عشان تحط ليه فلوس عشان يخلصلك شغلك .
تيجى الساعه اربعه الفجر وعندك مقابله الصبح تقول اروح اجيب مكنه حلاقه من اول الشارع تروح تجيب من الكشك اللى على الناصيه وصاحبه راجل دقنه مغطيه على وشه يقولك السعر 3.5 ليه ياعم دى فى الصيدليه 2.5 بس وانا مشتريها منك امبارح الصبح ب 2.5 بس تلقيه بيقولك عرض وطلب عايز تشترى اشترى مش عايز استنى للصبح انا مش سهران لغايه دلوقتى عشان ابيعها ب 2.5 .
ده كله كوم وشيخ الازهر ومفتى الجمهوريه كوم تانى وفتاوى الجمهوريه اللى زى العسل وأول ما واحد مسلم واحد مسيحى يتخانقم مع بعض عشان 2 كيلوه طماطم تلاقى الدنيا اتقلبت صراع دينى ويقولوه هى مصر فيها كام مسيحى والمفروض ندفعهم الجزيه وقنوات الاديان فى الفضائيات تولعها بين الاثنين ويحصل تخبيط هنا وهناك وفى الاخر امن الدوله يطلع فى التلفزيون ويقولك مفيش حاجه وكله زى الفل وعاش الهلال مع الصليب ومحدش عارف ان المسحين والمسلمين بيطلع _____________ ابوهم فى المعتقالات .
يبقا مش صحابى بس اللى بيكدبوه ويقولوه ان البوس حرام رغم انى اكتر من نصف البنات اللى كانت بتقول حرام كنت انا ببوس فيها فى الروحه والجايا ومش صحابى بس اللى طلع عندهم ازدوجيه يبوسوه ويقولوه حرام ده طلع مصر كلها عندها ازدوجيه
اه يابلد بنت ستين _________ كله عنده ازدواجيه فى الشخصيه .