المجهول

موضوع: المجهول الإثنين سبتمبر 13, 2010 2:32 pm

المفروض اقول صباح الخير او مساء الخير حسب مزاجى رغم انى مزاجى زفت .

الدنيا اوضه كبيره للانتظار , وللخروج من حاله الانتظار دى مش سهل
من اول ما كنت صغير وبستنى بابا وهو راجع من الشغل واشوف جايبلى ايه معاه حلو .
لغايه انتظار نتيجه اخر السنه والوظيفه والزواج والانجاب وتسمع حد يقولك يا بابا
وفى الاخر بتنتظر الموت نفسه حد منكم وصل لانتظار الموت ؟
انا بقا بنتظر حاجتين
1_ اشوف اهميتى فى عين غيرى
2_ انتظارى للموت اللى كده كده جاى
بس مش عارف زى ما الموت هيجى يا ترى اهميتى فى عيون الناس هتيجى ؟
ومحدش بيفكر يكسر باب الاوضه اللى بننتظر فيها دى عشان نطلع نشوف فى بره ايه
ولو حاولت تعمل كده هتلاقى اربع الاف واحد بيقف فى طريقك
كلنا خايفين من المجهول ؟
بس المجهول احسن من الانتظار .
الدنيا اوضه كبيره للانتظار فيها ابن ادم زى الحمار بياكل ويشتغل ويموت
ولو حد افتكره مش بيفتكره غير انه كان حمار
حمار حافظ الطريق من البيت للشغل وبيعمل شغله كويس مش عشان هو ذكى لا عشان حمار .
الاهم والمهم انه يعيش حياته بأقل الخسائر الممكنه
مش مهم يجرب اى حاجه جديده مهما كانت ممتعه .
طيب جرب
خوفك من النجاح اكتر من خوفك من الفشل ؟
لان النجاح بينقل الانسان نقله كبيره وهو مش عايز ده .
الدنيا اوضه كبيره للانتظار فيها انت يابن ادم زيك زي الحمار
كل ما تساله مالك يقولك مافيش , زهقان , مش عارف مالى , مش لاقى جديد
اقوله على الف حاجه جديده يهز راسه وينهق سورى على كلمه بينهق
بيبقا هاين عليا اقتله او أقوله اتنيل بقا وروح انتحر احسن ليك
عشان بجد مش هينفع اسيبه كده
بس مفيش حمار بيحاول يتغير او يحاول الانتحار .
بس انا خرجت من الاوضه ولقيت حاجه واحده
لقيت ان انتظارى للموت كده كده جايلى
بس انتظارى انى اكون مهم فى عين الناس
فعلا كنت مهم فعين الناس اللى بجد مش بيهمونى لكن الناس اللى كانوه بيهمونى عرفت انى مش مهم عندهم .
ياترى كل واحد بينتظر ايه ؟

موضوع: رد: المجهول الإثنين سبتمبر 13, 2010 3:10 pm

ياعزيزى استحالة يكون فى شخص يهمك جدا وتخاف عليه وتنتظره
وهو ليس كذلك وكما يقال من القلب للقلب رسول

تحياتى لرقى موضوعك I love you

موضوع: رد: المجهول الأربعاء ديسمبر 29, 2010 2:38 pm

» شبكه مملكه المجهول