(المصريين اهم )

المفروض اقول صباح الخير او مساء الخير حسب مزاجى بس انا مزاجى زفت
عملوه فى جوجل احصائيات عن ثقافه الشعب المصرى عن طريق جوجل وطلع شعب مصر مبيعرفش غير الجنس .
اكتر ثلاث كلمات اتعمل عليهم بحث فى جوجل هم ( سكس _ sex _ جنس )
احنا زى اى شعب بس شعبنا عنده حب للجنس زياده حبتين ونصف معلوماته وطريقه تعبيره فى المواضيع الجنسيه قبيحه .
بس ده لو دل يدل ان الشعب ده غلبان ولا غبى ولا شعب ماشى جواه الحيط واخر طريقه تكاثر شافها كانت طريقه الفراخ عندهم فى البيت ويديك درس هو نفسه مش عارف هو بيقول ايه وجايبه منين .
الاصعب والاوسخ والادل , ان المصرين اتحكموه فى الاكل وقسموه عن طريق فائده هذا النوع من الاكل مع الجنس .
الاكل عند المصرين بيتقسم لحاجتين
1- اكل جنسى
2- اكل مش جنسى
يعنى كل ده عشان ده كويس كويس او مش كويس حسب ارتباطه بالجنس
عندك الجمبرى والسمك اكل جنسى واحسن هديه من ام العريس للعريس ليله الدخله , وكمان هدف كل رجل عدى سن الاربعين يعنى عشان متعرض للهبوط الحاد .
تعالى ناكل اكله سمك متينه هتسمعها كتير اوى وهتلاقى نفسك بترد عليه بتقوله ليه احنا رايحين نتجوز ؟
مشكلتنا كا مصريين مقتنعين بشئ مالوش اى علاقه بالصح .
يعنى كل المأكولات البحريه ملهاش تأثير مباشر بالعمليه الجنسيه بس ليه علاقه نفسيه هو بيكون واكل سمك وحاسس انه منور من كتر الفوسفور
الفوسفور دع غذاء المخ بيخلى المخ نشيط بس الموضوع ده مش بيحصل من اكله سمك مثلا ده بيجى من تنظيم اكله سمك ولو مره كل اسبوع حتى ولو قبل الزواج .
الكوارع والجرجير والفول السودانى والحلاوه , دول اكل جنسى للطبقه العامه الطبقاه اللى معهاش تجيب ب 200 جنيه اكله سمك او 150جنيه يجيب جمبرى جامبو
بص الحقيقه ان الاكل ده فيه نفس الايجابيات بتاعت الاكل البحرى الغالى وهى العمليه النفسيه .
الحلاوه : فيها سعرات حراريه عليا اوى بس العمليه الجنسيه مش مرتبطه بالطاقه بالعكس طبعا سعات قله الطاقه بتكون مؤثره اكتر فى ان العلاقه تكون اقوى .
الجرجير :فيه يود واليود ده غذاء للغده الصماء اه الغده الصماء مهمه جدا بس ايه علاقتها بالجنس ؟ هو مفيد بس زى الجمبرى على المدى الطويل .
الكوارع بقا : تانى اعلى اكله عند المصرين بعد الجمبرى والسمك الكوارع عباره عن جلاتين مش مفيد خالص فى تصنيع البروتين يعنى مش مفيد خالص فى تصنيع الحيوانات المنويه ولا مفيد فى خلايا المخ بس الصراحه انا مش عارف هى فيدتها ايه .
المشكله ان لو انت عايز تقوم بالواجب مش لازم تاكل الاكل اللى انا قولته حالص لان كتر اكل الحجات دى بالعاكس بيخليك تنام يعنى هتيجى تكحلها هتعميها .
مستغرب على ثقافه عاليا كل همها الجنس وللاسف لايعلمون عنه الا القليل