( الفــــــــــــــــشل )

صباح الخير او مساء الخير حسب مزاجى
انا فشلت كتير اوى فشلت لغايه ما زهقت زى ما ناس كتير فشلت لغايه ما زهقت
الفشل جزء لا يتجزء من حياتنا كا بشر وللعلم الفشل اكتر من النجاحات
وفكك من موضوع ان الفشل يؤدى للنجاح
وموضع توماس اللى فشل الف تجربه لغايه ما عمل المصباح بعد ما زهق
المهم ان الناس دى بتقول ان لما تفشل يبقا جيه وقت النجاح مش وقت الزهق
انا فشلت اكون مهندس زى ما بابا الله يرحمه كان عايز
وفشلت اكون شاعر ز ما ماما كانت عايزه وفشلت ان اكون عازف جيتار لدرجه انى اكسف اسمع جد عزفى
فشلت انى اتجوز اليسا لانها لسه مردتش على ولا اميل من 7629 اميل اللى بعتهم ليها فى مده اربع سنين من يوم ما حبيتها
فشلت انى اتخلص من مطردات نانسى عجرم اللى وصلت للرزاله
مش مطاردتها هى ليا لا مطرداتى انا ليها اللى ادمنتها تقريبا .
انا لو فضلت اعد الحجات اللى فشلت فيها مش هيكفينى عمرى كله
بس باردو لو اعد الحجات اللى نجحت فيها مش هخلص
انا نجحت فى حجات محدش يتخيلها مثلا انا نجحت وانا عندى 6سنين فى عمل احلى عصير المكون من بيسبى وشويبس صودا وعصير الطماطم .
فشلت انى اتجوز اليسا صحيح بس نجحت فى معرفه اللغه اللبنانيه عن ظهر قلب .
فشلت فى انى اعالج او بلاش كلمه اعالج خليها اصلح واحد من صحابى وفشلت باردو .