شرح لاغنيه (بعد الليالى )

صباح الخير او مساء الخير حسب الوقت اللى هتشوف او هتشوفى فيه التوبيك
التوبيك ده انا حاسس بيه اوى لانى من عشاق عمرو دياب
اول حاجه هسمعكم السونج وهشرحها يارب اطلع مدرس شاطر




نبدأ مع بعض الأغنية ويا ريت وانت بتقرأ الموضوع تسمع الأغنية

نبدأ من الانترو
نركز مع بعض فى الانترو
ده مش مجرد انترو أغنية عادى ده انترو حكاية أو حدوتة
عمرو حيحكى حكاية
حيحكى قصته
بس يا ترى عمرو بيكلم مين ؟
فى الاغنية واضح إن عمرو بيكلم حد

نسمع مع بعض الأغنية

آآآآآآآه بعد الليالى والأيام من شوقى اليك
والله ازاى يهون عليك كل شئ فى البعد
آآآآآآآه بشتاقلك يا غالى انت فين بنده عليك
والله وحشونى كتير عينيك معقول نسيت الوعد

للوهلة الأولى حتحس ان عمرو بيكلم حبيبته
لكن لما تسمع عمرو بيقول
آه بشتاقلك يا غالى
ارجع ليا خلاص مش قادر حبيبى رد بأى كلام لو قادر حبيبى
والله بحبه وحفضل أحبه حبيبى قرب خلى لبعدك آخر حبيبى


تعالوا نتخيل المشهد مع بعض

عمرو دلوقتى لوحده بالليل
بيكلم حبيبته اللى مش موجودة
بس هو شايفها فى صورة قدامه
أو متخيلها قدامه
المهم ان عمرو حاسس دلوقتى انه بيكلمها
بيحكى ليا حاله من غيرها
بيقولها
آآآآآآآه بعد الليالى والأيام من شوقى اليك
والله ازاى يهون عليك كل شئ فى البعد
آآآآآآآه بشتاقلك يا غالى انت فين بنده عليك
والله وحشونى كتير عينيك معقول نسيت الوعد

بداية الحكاية
بداية هادية بس ده الهدوء اللى بيسبق العاصفة
عمرو بيحكى لحبيبته حياته من بعدها
وبيعاتبها انها بعيده عنه
أو بمعنى أصح بيعاتب صورتها أو خيالها

باااااااااااااان حبى ليك فى سنين بعاد وغياب
وهااااااااااااان قلبى عليك ترميه بين نار وعذاب

وهنا تبدأ العاصفة
أو الإعصار

إعصار مشاعر حبيب بعيد عن حبيبه بقاله سنين ومش قادر ينساه
اللحن حنقسمه ل 3 أجزاء
الجزء الأول اللى هو آه بعد الليالى
كان هادى ويعتبر مقدمة للحكاية كلها
الجزء التانى وهو بان حبى ليك
وفى الجزء ده بدأ عمرو ينفعل
واللحن ترجم ده فعلا
عمرو بيحكى معاناته

الجزء الثالث اللى هو ارجع ليا خلاص مش قادر
وهنا عمرو كان وصل لقمة الانفعال وقمة المعاناة فى نفس الوقت

ارجع ليا خلاص مش قادر حبيبى
رد بأى كلام لو قادر حبيبى
والله بحبه وحفضل أحبه حبيبى
قرب خلى لبعدك آخر حبيبى

عمرو كان ممكن يقول الكوبليه ده بالطريقة دى
ارجع ليا خلاص مش قادر
رد بأى كلام لو قادر
والله بحبه وحفضل أحبه
قرب خلى لبعدك آخر
يعنى حيشيل كلمة حبيبى اللى اتكررت بعد كل جملة

كلنا عارفين انه بيكلم حبيبه وهو عارف كده برضه
بس ليه عمرو قال كلمة حبيبى 4 مرات
ليها أكتر من احتمال
أولا : ممكن يكون عمرو بيحاول يقنع نفسه ان حبيبه قدامه وانه بيكلمه فعلا
وكأن عمرو منتظر رد على كلامه
وبيقنع نفسه انها موجودة فعلا لما بيكرر حبيبى

ثانيا : ممكن تكون كلمة حبيبى مقصود بيها ان عمرو بينادى على حبيبه
بس نداء انسان ضعيف من غير حبيبه
الضعف باين أوى فى صوته

ثالثا : ممكن عمرو يكون بيقول كلمة حبيبى كنوع من التأكيد على انه متمسك بحبيبه مهما عدت الليالى والأيام
كنوع من التأكيد على ان مفيش حبيب ليه غير حبيبه
أيا كان السبب فاحساس عمرو بالكلمة مش ممكن يتوصف أبدا
انت لما تركز فى كلمة حبيبى وعمرو بيقولها حتحس ان عمرو ماسك دموعه
بس أعتقد ان اللى يسمع اغنية زى دى وكلمة زى حبيبى عمرو قالها بالطريقة دى
مش ممكن يقدر يمسك دموعه أبدا

ويحاول عمرو يتمالك نفسه ويهدى نفسه وهو بيفتكر حاله من غير حبيبه
فيقول
آآآآآآآآآآآآآه بعد الليالى والأيام من شوقى اليك
والله ازاى يهون عليك كل شئ فى البعد

بحس لما عمرو قال الجملتين دول انه بيحاول ياخد هدنة مع نفسه
بيحاول يهدى انفعاله شويه
وبعدين نسمع صوت كمانجات هادية
بتأكد معنى ان عمرو بيحاول يتمالك نفسه عشان يقدر يكمل حكايته
لكن انسان جواه المشاعر دى كلها ازاى يقدر يمسك نفسه من غير ما يبكى
مش معقول طبعا
وده فعلا اللى حصل
محاولات عمرو انه يتمالك نفسه ويهدى نفسه فشلت
وعشان كده صولو الكمانجات الهادى حيتحول صولو كمانجات بيقول ان عمرو دلوقتى بيبكى فعلا
انا حسيت الكمانجات بتقول كده
عمرو فعلا مقدرش يمسك نفسه أكتر من كده
وبعد الصولو ما خلص قدر عمرو يجمع جزء من قدرته على الكلام عشان يقدر يكمل الحكاية
بس المرة دى دخل فى الموضوع على طول من غير مقدمات
عمرو قال
فااااااااااات أد ايه ولا يوم قدرت أنساك
وليه الدنيا ليه يا حبيبى بعيد واخداك

والكوبليه ده مكنش ينفع يتبدل مع كوبليه بان حبى ليك
لأن فات حبى ليك ولا يوم قدرت أنساك نتيجة الصولو
نتيجة طبيعية لانهيار اللى حصل لعمرو

قد كده عمرو كان بيعانى لدرجة إنه مش قادر ينسى حبيبه ولو حتى يوم

أنا مش قادر على نسيانك .. حبيبى
مين فى الدنيا حيملى مكانك .. حبيبى
والله بحبه وحفضل أحبه .. حبيبى
نفسى ارتاح أنا بين أحضانك .. حبيبى

برضه عمرو كرر كلمة حبيبى مع كل جملة
وقالها بنفس الاحساس والأسلوب اللى قالها بيه فى الكوبليه الأول
عمرو اختصر مشكلته كلها فى كلمة حبيبى
لو فيه حد بيحب حبيبه كده فعلا زى ما عمرو كان بيحب حبيبه فى الأغنية دى
كنا عملنا مظاهرات قدام بيت حبيبه عشان يرجع لعمرو

عمرو بعد الكوبليه ده خلص حكايته
أو مأساته اللى كان بيحكيها
عشان كده قفل الأغنية زى ما بدأها
قفل الأغنية بـ
آآآآآآآآآه بعد الليالى والأيام من شوقى اليك
والله ازاى يهون عليه كل شئ فى البعد

عمرو خلص حكايته اللى كان بيحكيها لصورة حبيبته أو لخيالها
عمرو ممكن يكون بيكلم صورتها أو بيتخيل حبيبته قدامه
مشكلته دى بتتكرر كل يوم
كل يوم بيحكى مأساته
وفى الأغنية دى مكنش فيه نهاية
الحكاية دى حتفضل مستمرة لحد ما يرجع عمرو لحبيبته