عليا الطلاق لانت داخل

ازيكم ياشباب عاملين ايه ؟


هنتكلم عن


الحلفان بالطلاق

الحلفان بالطلاق بين الشباب بقى ظاهره منتشره قوى

والكل ملاحظ كده

انا شايفه ان 80% من الشباب مابيعملوش حاجه غير انهم يحلفوا بالطلاق
لحد مابقى لبانه فى بؤهم



يعنى يجى الواحد من دول
بيكلم مراته وعايز يؤمرها يقولها

*عليا الطلاق بالتلاته ما انتى راحه لاهلك.
*مانتى خارجه من باب الشقه.
*عليا الطلاق لتعملى كذا....







ولو مثلا الراجل بيكلم ابنه يقوله

عليا الطلاق من امك لتقعد تكتب الواجب دلوقتى.

عليا الطلاق ماانت واخد مصروفك ياصايع يابتاع البنات .
ههههههههههههه


طب انت بتكلم ابنك .. امه مالها يارخم ؟





وفيه كمان وهى ديه بقى المصيبه

انك تلاقي الراجل من دول بيتكلم مع حد مالوش علاقه خالص بالمدام

وتلاقيه بيحلف برضوا ويقول

عليا الطلاق لتيجى تتغدى معايا النهارده .

طب طلاق تلاته انا اللى هحاسب السواق.


تلاقى واحد زميلك لسه بيدرس ولسه مااتجوزش اصلا

يقول
عليا الطلاق ماانت عامل
كذا
مين ياصغنن اللى انت بتحلف عليه بالطلاق
يقول هو كده وخلاص
وطلاق تلاته كلمه منك تانى وهزعل
هههههههههههههههههههههه
ياعم روح بقى


ده حتى العيال !! الاطفال بتحلف بالطلاق






ده حتى البنات ساعات بتحلف بالطلاق

العيب كله على شبابنا (فيمال أند ميل)(أنثى اند ذكر)
اللى مش حاسين بمصيبه اللى بيقولوه
وعارفين ان الحلفان بالطلاق خطر لانه
ده الوحيد اللى الهزار فيه ممنوع
وعواقبه وخيمه جدا على الاسره كلها
ولو لسه شاب مش اتجوز هتكون عواقبه وخيمه لما يجوز
انا دلوقتى
عايزه اعرف ليه الشباب بيحلفوا بالطلاق عمال على بطال؟؟؟

عليا الطلاق لترد ههههههههههههههههههههههههههههههه

ههههههههههههه وانا عليا الخلع موضوعك يجنن

غريب في زمن عجيب كتب:

ههههههههههههههههههههههههههههههههههههههههههههه


شر البلية ما يضحك موضوع هام جداً وطرح جرئ

يعطيك الف عافية نورتنى

نسرين كتب:

ههههههههههههه وانا عليا الخلع موضوعك يجنن

هههههههه جديدة يعطيكى الف عافية نورتى

حاول تفتكرنى كتب:

عليا الطلاق ما انا داخل وخلى يمينك يقع

ههههههههه وعليا الطلاق نورتنى يعطيك العافية