الحز الأسود قصة قصيرة بقلم المبدع ماهر طلبة

الحز الأسود

لما
ليلى وقيس قابلوا بعض بعد فراق مية ولا ألف ولا مليون سنة مش عارف ، كان
تاه عن بال كل واحد منهم ذكرى اللقاء الأول والفراق الأخير وما افتكروش
إلا بس إنه زمان .. زمان قوى .. كان فيه شاب صغير جدا وبرئ جدا بيسهر طول
الليل متعلق من رقبته فى شجرة الحب النابتة فى رمال الصحرا .. قاعد يقول
أشعار عن بنت صغيرة جدا وجميلة جدا مربوطة – جوا خيمة – من رقبتها لوتد
التقاليد والخجل … لا هو قدر يفك حبل الشجرة عن رقبته ويهرب ولا عمر رجله
طالت أرض الصحراعلشان يلمس الواقع ويعيش فيه .. ولا هى قدرت تفك حبل
التقاليد والخجل علشان تهد خيمتها أو تناوله سلم ينزل عليه ..
فتقابلوا أغراب .. جوا قلب كل واحد منهم نقطة سودا وحوالين رقبة كل واحد
منهم حز أسود صنعه حبل مش فاكر امتى اتعلق فيها ولا امتى اتعود عليه
ومابقاش يقدر يعيش من غيره.

يالله ع الجمال دام نبض قلبك نغم عمرى ودام نبض قلمك خيو ماهر

» الحداد والحلم قصة رائعة بقلم المبدع ماهر طلبة
» لقطات زوجية قصة قصيرة ممتعة جدا بقلم ماهر طلبة
» الحانوتى والحساب بقلم ماهر طلبة