بعشرة لاعبين .. شبيبة القبائل يتعادل مع الأهلي ويضمن الصعود للدور قبل النهائي

بعشرة لاعبين طيلة 45 دقيقة، تمكن شبيبة القبائل الجزائري من فرض التعادل الايجابي 1-1 مع مضيفه الأهلي في الجولة الرابعة للمجموعة الثانية لدور الثمانية لدوري أبطال إفريقيا ليضمن الفريق الجزائري رسميا تذكرة عبوره إلي الدور نصف النهائي.
ورفع الشبيبة رصيده إلي 10 نقاط في المركز الأول، فيما رفع الأهلي رصيده إلي 5 نقاط وبقي في المركز الثاني بفارق نقطة واحدة عن هارتلاند النيجيري صاحب المركز الثالث والذي كان قد تغلب في وقت سابق علي الإسماعيلي.
تقدم الأهلي أولا عن طريق محمد ناجي "جدو" في الدقيقة 23، ثم تعادل تجار سعد في الدقيقة 31 للشبيبة.
واضطر الشبيبة لإكمال المباراة بعشرة لاعبين فقط بداية من الدقيقة 43 عقب طرد مهاجمه يحيي شريف لحصوله علي الإنذار الثاني.
الشوط الاول
حسم التعادل الايجابي 1-1 شوط المباراة الأول التي تجمع الأهلي بضيفه شبيبة القبائل.
تقدم الأهلي اولا عن طريق محمد ناجي "جدو" في الدقيقة 23، ثم تعادل تجار سعد في الدقيقة 31 للشبيبة.
واضطر الشبيبة لاكمال المباراة بعشرة لاعبين فقط بداية من الدقيقة 43 عقب طرد مهاجمه يحيي شريف لحصوله علي الانذار الثاني.
بداية المباراة جاءت حماسية اسما فقط من قبل أصحاب الأرض ولكن بدون تشكيل أي خطورة علي المرمي الجزائري اللهم إلا ضربة رأسية من محمد ابوتريكة ذهبت بسهولة إلي أيدي حارس الشبيبة.
بدا الشبيبة في اخذ الثقة بعد رهبة الدقائق الأولي وكان الفريق الأخطر علي المرميين، بل انه كان قريبا جد من التهديف في الدقيقة 20 عندما انفرد يحيي الشريف بمرمي الأهلي ولكنه سدد ضعيفة في يد شريف إكرامي.
ودفع الشبيبة ثمن إضاعته لهذه الفرصة غاليا بعدها مباشرة وبالتحديد في الدقيقة 23، حيث تمكن جدو من هز شباك الكناري الجزائري بضربة رأسية قوية بعد عرضية متقنة من احمد فتحي.
هز الهدف جدران استاد القاهرة الممتلئ بأكثر من 80 ألف متفرج من محبي الأهلي، ولكن كل هذا الحشد صدم في الدقيقة 31 عندما تمكن تجار سعد من معادلة النتيجة للضيوف من تسديدة صاروخية من خارج منطقة الجزاء لم يكن ليفعل لها شريف إكرامي أي شيء.
حاول الأهلي تنظيم صفوفه عقب هدف التعادل الجزائري، وسدد شريف عبدالفضيل كرة قوية من خارج منقطة الجزاء في الدقيقة 39 ولكن أجساد مدافعي الشبيبة كانت لها بالمرصاد.
وقبل نهاية الشوط اشهر حكم اللقاء البطاقة الحمراء في وجه يحيي شريف مهاجم الشبيبة لحصوله علي الانذار الثاني عقب محاولته السقوط داخل منطقة الجزاء.
الشوط الثاني
زاد الأهلي من ضغطه مع بداية الشوط الثاني في ظل النقص العددي للشبيبة وكاد الفريق المصري أن يتقدم في أكثر من مناسبة، كانت الأولى من نصيب شهاب الذي سدد قوية بجوار القائم الأيسر.
ثم سنحت فرصة خطيرة للغاية لمحمد بركات في الدقيقة 50 بعدما وصلته الكرة داخلة منطقة الجزاء والحارس واقع علي الأرض وسدد لاعب الأهلي تجاه المرمي ولكن مدافعي الفريق الجزائري اخرجوا الكرة من علي خط المرمي.
ثم سدد بركات كرة أخرى قوية من داخل منطقة الجزاء في الدقيقة 52 مرت فوق العارضة.
استمر الضغط الأهلاوي بشدة علي مرمي الشبيبة وسدد ابوتريكة كرة مقصية من داخل منطقة الجزاء ولكنها ذهبت فوق المرمي أيضا.
تواصلت التسديدات الأهلاوية من خارج منطقة الجزاء وأطلق حسام عاشور كرة قوية في الدقيقة 82 ولكنها ذهبت إلي الشباك الخارجية.
وكاد الفريق الجزائري ان يصعق الجماهير الاهلاوية في الدقيقة الثانية من الوقت بدل الضائع عندما سدد تجار تصويبة صاروخية من مسافة بعيدة ولكن اكرامي تألق وتمكن من ابعاد الكرة بيديه الاثنين.
وفي الثانية الاخيرة من اللقاء، تعملق الحارس الجزائري لينقذ مرماه من رأسية البديل احمد حسن القريبة لينتهي اللقاء علي التعادل الايجابي.

المصدر: يالا كورة

ميرسى على هذا الخبر بس ياترى انت اهلاوى اعتقد اهلاوى تحياتى

بجد حاجه تحرق الدم
تسلم ياغالي

سالى كتب:

ميرسى على هذا الخبر بس ياترى انت اهلاوى اعتقد اهلاوى تحياتى

اه

أهلاوى وبحب المانجة

el_araby كتب:

بجد حاجه تحرق الدم
تسلم ياغالي

الأهلى فقد البوصلة

لو كان البدرى استمر فى بناء فريق جديد كان أفضل بكتير من اللى بيحصل حاليا

شكرا لمرورك

ماهو البدرى لو استمر يبنى فريق
محدش هيصبر علية
والجماهير هتطلب اقالتة ع السريع
والا اية ياغالى

اذا تفتكر ياصاحبى اول موسم لجوزية
كان سىء
ولما رجع خلى الادارة تشترى اللعيبة اللى هو عايزها
وادارة لم تشترى اى لعيب كويس للبدرى
حتى متعب لعب بيهم الكرة
البدرى معذور

البدري معذور في حاجه واحده بس
قله المهاجمين
بس حتي دي هو لم يعالجها بالشكل السليم في المباراه
طلعت جاهز بدنيا ومشاكس
ليه مش دفع بيه وليه اشرك اسامه حسني
بالذمه ده مش تاليف
واحمد حسن رمانه ميزان الوسط ليه ياخر نزوله
ولما يدفع بيه يسحب ابوتريكه رغم ان وجودهم مع بعض كان هيبقي رائع
طواين غدار من كل هذا
لا نعفي حسام من الخطا ولا نعفيه من المسئوليه
ونتمني ان يصحح اخطاه في القادم
البطوله هتتستكمل بنفس الاعبين الموجودين
يعني لو مش حل ازمه الهجوم مش هنقدر نكمل في البطوله

والبدرى اعلن مسئوليتة كاملة عن النتيجة
لكن الاهلى فية مشاكل
بسبب التعاقدات والمبالغ المدفوعة
علشان كدة الفريق فقد الجماعية والروح
لانهم اصبحوا غير متساويين
والا يا صاحبى

لا ده صعب جدا نلاقيه في الاهلي
الاهلي دائما ما يرتبط لاعبيه بعلاقه ود وحب غير مسبوقه
صدقني المشكله في اسلوب اداره المباراه من البدري
ونفس المشكله كانت موجوده في مباراه المصري السابقه بالدوري
اعتقد ان الاهلي كبير علي البدري
وان كان مدرب يستحق التقدير

شوف عقد شريف عبد الفضيل
وعقد جدو
وطلبات متعب
وطلبات احمد حسن
وعقد بركات
والتوفيق غائب شوية عن لاعبى الاهلى
لو فرصة واحدة جت
كان الماتش اتقلب
والجون بتعهم غلطة الحائط ولاعبى الوسط
والا اية

اكيد هناك اخطاء من اللعبين
بس من امتي بنشوف الاهلي طول المباراه ضاغط دون احراز اهداف
المشكله في البدري انه لا يجيد اداره المباراه اثناء سريانها
كان لازم يعمل تغيرات مفيده
بالله عليك احمد السيد نزل ليه
كان سهل جدا يدخل شريف عبد الفضيل مكان احمد فتحي ويسحب حد غير ابو تريكه وينزل مهاجم زي طلعت او حتي شوقي يزود كفائه وسط الملعب
اما عن عقود الاعبين
صدقني الاهلي لا يبرم عقد مع اي لاعب غير لما يكون مرتضي تماما للمبلغ المحدد
يعني لاعبي الاهلي صعب جدا يتمردوا او يتهاونوا لمجرد ازمه ماليه
مفيش كده في الاهلي خالص
والي بيحاول يعمل ده بيكون منبوذ من الجميع

المسالة مش تمرد
لكن نفسيا مؤلمة
يعنى وائل رياض لما ياخد 4 مليون
وشريف 7 مليون
وجهد وائل اكتر
نفسيا صعبة
ابوتريكة بيلعب ولياقتة غير مكتملة
وطلعت ثقتة فى نفسة ضعيفة احيانا بيتخلص من الكرة
وخلاص
شهاب فارق كتير
وكمان شوقى لسة لياقتة

وعفرتو كمان فارق
وعموما اللعيبة محتاجة قرصة ودن
علشان يبذلو جهد اكبر من كدة
والا اية

د يكون ما تقوله بالفعل فيه شيئ من الحقيقه ولكن
لاعبوا الاهلي في الملعب لا يفكرون سوي في المباره فقط
عموما الفريق بحاجه لاعاده النظر في ما يحدث وان شاء الله يكونوا قادرين علي تخطي الازمه سريعا

اكيد لان اللى صعب
وبالتوفيق يالغالى

سعدت بالنقاش معك واتمني التوفيق للاهلي فيا لقادم ان شاء الله
تقبل تحياتي

وانا بالتاكيد سعدت بهذا الحوار
ودائما منير المنتدى
باراءك القيمة
دومت بود

طيب تسمحوا لى أنا بقى أقول رأى متواضع على قدى؟؟

فى فرق كبير جداً بين الأهلى سنة 2004 والأهلى 2010

أولاً: أهلى 2004 كان الفريق بقاله 4 سنين ما اخدش بطولة الدورى

وفى الوقت ده كان لازم حل سريع

ما كانش ينفع يتقال حنبنى فريق

وكان الحل شراء مجموعة من اللاعبين الجاهزين عمل بيهم الأهلى الطفرة اللى عملها

ثانياً: فرق كبير بين أسعار اللاعبين سنة 2004 وأسعار اللاعبين 2010

ثالثاً: ودى نقطة مهمة جداً ياسين منصور كان فاتح خزينته على البحرى لشراء أى لاعبين وبأى ثمن

من هنا جوزيه استغل النقاط دى وطلب أحسن لاعبين فى مصر وعمل بيهم إنجازات محدش عملها قبله ولا حد حيعرف يعملها بعد كده حتى لو كان جوزيه نفسه

لأن الظروف دى لا يمكن ينفع تتكرر تانى

ونتيجة لكده جوزيه أهمل عملية الإحلال والتجديد فى الفريق واعتمد على إنه يطلب والمفروض تلبى طلباته

مقارنة أهلى 2010 ما تنفعش مع أهلى 2004

عايزين نقارن تبقى المقارنة بين أهلى 2010 وأهلى 2009 مع جوزيه

من هنا بقى مش مهم الجماهير تصبر ولا ما تصبرش

المهم نبدأ فعلا فى بناء فريق جديد

لأن أى تأخير حيدفع تمنه الأهلى غالى جداً

وده اللى قصدته لما قلت إن الأهلى فقد البوصلة

لو بصينا لوضع النادى المادى حنلاقيه صعب مش حاقول سىء

ومن هنا بدأت الإدارة تستخسر فى شراء لاعبين

وتحاول تسترخص

يعنى فرانسيس قاعد لأن كده كده له عقد وحيكمل مش حيشتروه

غدار جابوه علشان أرخص من مصطفى كريم

مصطفى كريم اتعاملوا معاه بمبدأ ليه تدفع أكتر لما ممكن تاخده بعد ست شهور ببلاش

فى الوقت نفسه فى لاعيبة اتجابت واندفع فيها فلوس من غير لازمة خوفا بس من إن الزمالك ياخدهم ويتألقوا هناك وساعتها الجمهور مش حيرحمهم

زى محمد شوقى مثلا

ارجع واقول الأهلى فقد البوصلة

طالما مواردك محدودة كان لازم تديرها صح

الأهلى بعد فلافيو وعماد متعب ما ينفعش يعتمد على محمد فضل وأسامة حسنى

حنقول متعب رفض محاولات التجديد بس مصطفى كريم كان لازم يجى بأى تمن

ما تجيش حضرتك تملا لى خط الوسط ومفيش فرود عدل يخلص ويجيب اجوان

ما تستغناش حضرتك عن جيلبرتو وتسيب سيد معوض لوحده فى الشمال علشان لعيبة من نوعية غدار وفرانسيس

المشكلة الأكبر

قدامك سنتين بالكتير ونص الفريق حياخد استمارة ستة

أحمد حسن آخره السنة الجاية

أحمد السيد هو معتزل من السنة اللى فاتت بس فى السر محدش واخد باله

وائل جمعة وأبو تريكة وبركات وسيد معوض آخرهم سنتين كمان

وكده أنا مجاملهم بجد

يبقى كان الحل تسيبك من البطولات وتركز فى بناء فريق جديد

آه تشترى بس عمرك ما حتقدر تشترى فريق جاهز بالكامل زى سنة 2004

أخى الراضى بيقول الجمهور مش حيصبر لما تضيع البطولات

ما هى كده كده ضايعة وابقى قابلنى لو الأهلى أخد بطولة السنة دى

آخره لو ياخد كاس مصر

بالنسبة للبدرى محتاج شوية دروس خصوصية

وخصوصا بالنسبة للتكتيك

وياريت يتعين الشيخ طه اسماعيل كمستشار فنى

دى وجهة نظر على قدى وأرجو ما أكونش أزعجتكم

يا سلام بئا لو
شجره المانجوا وعليها زوج حمام قاهري
تبقي حاجه رائعه
مش كده ولا ايه
بالتوفيق ان شاء الله للاهلي والاسماعيلي في قادم المباريات