ماهو كل ضيق بالصدر اومشاكل تحصل للانسان كله حسد او سحر وين التشخيص الصحيح

ماهو كل ماجاء انسان يشتكي من ضيق يصيبه اوالم في جسمه يولمه او مشكلة تصيبه مع زوجته او اهله او اصحابه اوماكان نوعها قلنا بسبب الجن او الحسد المشكلة تكون في الغالب بسبب الانسان نفسه بس الناس في الوقت هذا ان فاشل في الدراسة قال محسود ان كان زوج او زوجة علاقتهم سيئة بينهم قالو عملو سحر تفريق اوحسدونا المشكلة تلقاها انهم مايفهمون بعض وكل واحد عارض عضلاته على الثاني كل واحد منهم يبغى كلامه يمشي وتكبر المشكلة وتصير عويصة مالها حل بعدين كل واحد يحتج يقول سحرونا اوحسدونا واللي عنده امراض عضوية وايش اسبابها اهمال الانسان نفسه طايح على المفطحات مطول دعسة البنزين مره مايمسك فرامل ولايلعب رياضة وطول وقته نايم وبعدين يمرض ويروح المستشفى ابسالكم بالله عندنا في السعودية دكاترة كل ابوهم حلاقين وكفاية القصص اللي تكتب في الجرايد من المصائب اللي يعملوها ومايلقى دكتور متميز يشخص المرض ويعطيه العلاج اللي يناسبه وبعض الاحيان يقله الدكتور مافيك شي وهو ماعمل لاتحاليل ولا حاجه بعدين يقعد هذا المسكين يعاني من المرض وهو جالس مع اهله اواحد اصحابه ويشتكيله يقوله انتا احد حسدك او سحرك ويصدق المسكين انه به سحر او حسد انا ماانكر لا السحر ولا الحسد وبعض الرقاة اذا جاه المريض واشتكاله الشي اللي يعاني منه قال انت محسود او مسحور بغير وجود دليل حقيقي يدل على الحالة ان كان سحر اوحسد ويزيد هم الانسان ويزيد مرضه. لكن الانسان اذا حصلتله مشاكل يحاول يحلها بشكل صحيح اذا مرض يروح للطبيب الماهر واذا صارت له مشكلة نفسية يذهب الى افضل المختصين في الطب النفسي واذا لم يجد العلاج بعدين نشخص الحالة هل هي حسد اوسحر او مس والمشكلة استغفر الله صار اعتقاد الناس في القاري اكثر من القران نفسه