جربت تزق حيطه قبل كده ؟؟؟ طيب متيجي نجرب

*----------------------------------------*

جربت تزق حيطه قبل كده ؟؟ طيب ما تيجي نجرب؟

اكيد عمرك ما هتحاول مجرد المحاوله انك تزقها
لانك عارف انك مش هتقدر تحركها من مكانها
اهي الحيطه دي بقي اعتبرها حلم حياتك
ما هو كلنا عندنا احلام نفسنا نوصللها
بس لو اعتبرنا الحلم هدف
يبقي ممكن نحققه
وبالاراده هنحققه

ولاد وبنات كتير شايفين ان اهاليهم متزمتين اوي
يعني بيقسوا عليهم دايما
وللاسف تسأل اى واحد او واحده فيهم عن السبب
يقوللك من غير سبب هو بابا كده عنده كل حاجه لا
بس لو كل ولد وكل بنت فكر يقعد يتكلم مع اهله بهدوء
حط التفاهم مع اهله هدف له
يحاول يقنعهم انه من جواه عارف فين الصح وفين الغلط
ساعتها ممكن موقف الاهل يتغير
وتزيد الثقه والتفاهم في نفس الوقت
ويبقي حاول يزق الحيطه

شاب حياته متأسسه علي المخدرات
يصحي الصبح ينزل من بيتهم علي المكان اللي فيه صحابه
ويفضل معاهم يشربوا مخدرات لحد باليل يرجع بيتهم
ينام ويصحي تاني يوم يعيد اللي عمله اليوم اللي قبله
وعلي كده تفوت سنين شبابه اللي هي المفروض احلي سنين عمره
علي الفاضي
وكل ده عشان هو شايف انه خلاص ميقدرش يبطل الادمان ده
شايف ان الادمان حيطه مبتتزقش
مع انه لو فعلا قرر يبطل اللي بيشربه ده
هيقدر ومش بس هيزق الحيطه
لا ده هيهدها

المخدرات حيطه
البطاله حيطه
غياب الثقه حيطه
الظروف حيطه

كل دي حيطان بنلاقيها في وشنا
واقفه بتستفز ارادتنا
رافضه تخلينا نكمل طريقنا
فينا اللي عمره ما بيفكر يزقها
وفينا اللي بيحاول عشان علي الاقل يبقي نال شرف المحاوله
وفينا اللي بيهدها
وهو ده اللي بيكمل طريقه زي ما بيحلم

ها هتقدروا تزقوا الحيطة ولا ؟

ارجو التفاعل من الجميع

تحياتي ...

......el_araby ......

بالتاكيد
طرح رائع
وعلشان نزق الحيطة
لازم تتوافر فينا الشروط الاتية
الايمان بما نفعل
الصبر على طول الطريق
المثابرة
بذل الجهد الكامل بلا ادنى احساس بالتعب
المعرفة واليقين بان النتيجة بامر الله عزوجل
فاذا فشلنا او سقطنا علينا
ان نحاول من جديد
وطرح متميز

اشكرك عزيزي علي مرورك
ولابد ان نستمر في المحاوله دائما
وحتي ان فشلنا في النهايه
فيكفينا شرف المحاوله واخذ ثوابها
تحياتي

احيانا يا صديقى
شرف المحاولة لا يكفى
لذا
الاستمرار فى المحاولة هو الاهم
طالما فى الطريق الشرعى والصواب
ودومت بالود

لى سؤال قبل الخوض فى التوبيك ياترى الحيطة دى نوعها ايه
من الطوب اللبن او من الورق او من الحديد لكى استعد لان زق الحيط هذا
من اختصاصى مرات عديدة اقوم بزق الحوائط وكل ما ازق واحدة
تطلعلى حيطة
تانية أقوى ولكن عندى صبر على اقتحام هذه الحوائط
والصبر مفتاح الفرج يا انا يا الحيطة
توبيك رائع تحياتى

الراضى كتب:: احيانا يا صديقى
شرف المحاولة لا يكفى
لذا
الاستمرار فى المحاولة هو الاهم
طالما فى الطريق الشرعى والصواب
ودومت بالود

هذا ما اقوله ياصديقي الاستمرار
وحتي لو فشلت لابد ان استمر
ويكون لدي الدافع لذلك
تحياتي عزيزي ودومت بكل الود والخير

سالى كتب:: لى سؤال قبل الخوض فى التوبيك ياترى الحيطة دى نوعها ايه
من الطوب اللبن او من الورق او من الحديد لكى استعد لان زق الحيط هذا
من اختصاصى مرات عديدة اقوم بزق الحوائط وكل ما ازق واحدة
تطلعلى حيطة
تانية أقوى ولكن عندى صبر على اقتحام هذه الحوائط
والصبر مفتاح الفرج يا انا يا الحيطة
توبيك رائع تحياتى

عزيزتي قد تكون الحيطه من هذه الانواع جميعا
فاستعدي جيدا وبدال ده طلع اختصاصك
هعمل اعلان في المنتدي كل اللي عنده حيطه مزرجنه معاه
يروح لسالي تزوقهاله ههههههههههه
تحياتي عزيزتي

» هل جربت ان تقبل يد زوجتك