اشوفكم على خير

موضوع: اشوفكم على خير السبت يناير 15, 2011 7:57 pm

مع السلامه يا اخوانى واخواتى الاعزاء
الليله سوف اسافر الى منطقة التدريب للجيش
اشوف وشكم بخير
اتمنالكم كل الصحة وتحقيق الامنيات

مع السلامة

تروح وترجع بالف سلامة يا غالي

علي خير يا رب يا الغالي
وقلبي معك انا ذايق الطعم ولسة ذايقة
تحياتي لك
وان شاء اللة بي التوفيق ؟....

ترجع بألف خير وسلامة اخى الغالى محمود ونحن فى انتظارك

ورجعتلكم تانى من الجيش بعد ان تنحى الرئيس عن منصبه وتغيرت الحكومة
ودائما ( اكس ماستر = الاستاذ = محمود) لابد ان تكون له بصمة فى كل مكان نيااااااااااااااااه نيااااااااااااه
هههههههههه

ومن فضلك يا سالى شيلى الصورة دى بقى هههههههه
بمجرد دخولى الجيش الدنيا اتقلبت

وحشتووووووووونى كلكم

حمدا لله لسلامتك يامحمود

هههههههههههههه اه طبعا معروف بدليل الانقلاب اللى حصل
ودى بصمتك يامحمود
بس حكاية اشيل الصورة دى لالالالالالالالالالالالالالا وألف لالالالالالالالالالالالالالالالالالا
انا اتولد لاقيته هو ملقتش حد تانى غيره انا باعتبره رمز
قبل أن يكون والد
عارفة هتقول فساد
هرد عليك بكلام الريس

سوف اترك التاريخ يحكم بما لنا وزبما علينا
حتى لو كان كله عيوب كفاية انى اول مرة
فى حياتى اشعر بعدم الأمان والخوف
احنا كنا فى نعمة مش حاسين بيها
وكمان كنت افضل انه يخرج بصورة اشرف وأكرم من
كدة وبلاش نكون زى القطط
عموما تحياتى اليك وحشتنا ولو كنت اعرف
بدخولك الجيش دا كله هيحصل كنت شجعغتك
انك مترحش الجيش وتهرب هههههههههه

ههههههههههههههه
انا بحترم رايك وكلنا اتولدنا لقيناه الرئيس
لكن فى وجود جيش زى الجيش المصرى يقدر كل مصرى ينام وهو مطمن حتى لو الاعداء منتظرينا على الحدود
لان فيه جنود مصريين واقفين فى كل مكان فى مصر اسمهم القوات المسلحة المصريه
برئاسة المشير طنطاوى
.....
عندك حسنى مبارك اكيد عارف ان احمد عز شغال سرقة وحبيب العادلى
وبما انه عارف وساكت يبقى هو كمان بيسرق
هو كل فترة يقدم كبش فداء سواء رئيس وزراء ( عاطف عبيد ) او احمد نظيف
وبعدهم الوزارة وبعدهم مجلس الشعب
وكل دا عشان نقول انه بيعمل حاجه
لكن هو كل دا بيعمله فى الفاضى
لان الفساد اصلا جاى منه نفسه فأى تعديل هيعمله هيكون عامله لاغراض لنفسه
ما علينا
المهم يارب تكونى بخير
وان شاء الجيش بتاعى تمام اوى وانا سعيد فيه
وسعيد اكتر انك رديتى على النهاردة

تحياتى ليكى وبلغى سلامى لكل الاخوة والاخوات