(..احساس قاتل..)

ليله امبارح صعبه وقاسيه................الفكر داهمنى وخدنى بعيد لهناك ورمانى
لارض بلادى الحره الطاهره......................وفرد شراعه لحد ما وصلنى عنانى
افكار بتراود افكار وحجات كتيره بتتداخل................وحال بلادنا بيدهور وانا غرقان بين احزانى
وبسئل حالى لامته يا مصر............حتبقى الفوضى مين المظلوم ومين الجانى
من سنتين وحالنا بيحزن..................امتى انشوف بلادنا بخير ترجع تانى
ولا فيش فرق نسيج واحد................مسلم قبطى علمانى ليبرالى واخوانى

وهاجس همسلى ووشوشنى............شريان نيلك جه يشكيلى بينزف دمعه وبيعانى
وارض تراب الطاهره بيصرخ..............على شهدائها اللى بيهدر كل ثوانى
وخيالى ليلاتى فى همك............................والهم كسرنى واعيانى
ياما نفسى اشيل حملك عنك..................وتعيشى حره يا اوطانى
بالصبر حنصبر ونثابر....................وحنعزف لحن الحريه ارق واحلى الالحانى

ان شاء الله يسلم مصر من كل سوء كل الشكر لك ياعصام لاحساسك العالى

شيخ العرب همام فائق تقديرى اسعدنى مرورك المبهج سلمت عزيزى