الــف ليلة وليلـه

الف ليله وليله

يا حبيبي .. الليل وسماه .. ونجومه وقمره وسهره
وإنت وأنا .. يا حبيبي أنا .. يا حياتي أنا
كلنا في الحب سوا .. والهوى .. آه منه الهوى
سهران الهوى .. يسقينا الهنا .. ويقول بالهنا
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة

* * * * * * * * * * * * * * * * *

إزاي أوصف لك يا حبيبي إزاي .. قبل ما أحبك كنت إزاي
كنت ولا امبارح فاكراه .. ولا عندي بكره أستناه
ولا حتى يومي عايشاه
خدتني بالحب في غمضة عين .. وريتني حلاوة الأيام فين
الليل بعد ما كان غربة مليته أمان
والعمر اللي كان صحرا صبح بستان
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة

* * * * * * * * * * * * * * * * * *

يا حبيبي إيه اجمل م الليل واتنين زينا عاشقين
تايهين ما احناش حاسين العمر ثواني والا سنين
حاسين اننا بنحب وبس
عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وإن قالوا عن عشاقه بيدوبوا في نار أشواقه
أهي ناره دي جنتنا
الحب عمره ما جرح .. ولا عمر بستانه طرح
غير الهنا وغير الفرح
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة

* * * * * * * * * * * * * * * *

يا قمر ليلي .. يا ظل نهاري .. يا حبي .. يا أيامي الهنية
عندي لك أجمل هدية
كلمة الحب اللي بيها .. تملك الدنيا وما فيها
واللي تفتح لك كنوز الدنيا ديه .. قولها ليه
قولها للطير .. للشجر .. للناس .. لكل الدنيا .. قول
الحب نعمة .. مش خطية
الله محبة .. الخير محبة .. النور محبة
يا رب تفضل حلاوة سلام أول لقا في ايدينا
وفرح أول ميعاد منقاد شموع حوالينا
ويفوت علينا الزمان يفرش أمانه علينا
يا رب
لا عمر كاس الفراق المر يسقينا
ولا يعرف الحب مطرحنا ولا يجينا
وغير شموع الفرح ما تشوف ليالينا
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة

رابط التحميل للغنيه كـاملتا mp3http://www.6rb.com/songs/4545.html

* * * * * * * * * * * * * * *

الله الله الله

قليل اليوم اليوم انك تشاهد اناس يفهمون في مثل هذا الطرب الاصيل

من اروع من غنت السيدة ام كلثوم

ومن اروع المواضيع التي رايتها بحياتي

سحر الشرق انتي موهوبة جدا

الف شكر لك عزيزتي على ما قدمتيه لنا من طرب من ايام الزمن الجميل

اختيار رائع
و
دومتى بود

سحرالشرق كتب:: يا حبيبي إيه اجمل م الليل واتنين زينا عاشقين
تايهين ما احناش حاسين العمر ثواني والا سنين
حاسين اننا بنحب وبس
عايشين لليل والحب وبس

والأجمل من كده إننا نفضل اخوات هنا

ما يفرقناش حاجة

منورة يا سحرالشرق

ياريت ما تحرميناش من مشاركاتك

» ليلة في العمر شريفة فاضل
» وردة الجزائرية في يوم و ليلة
» ليلة الدخلة اعترافات