ديوان الشاعر عبدالله بن حواف

عيونك بعمري

ترى العمر كله علشانك يهون

ياللي تساوي عندي أيام عمري

يا أحلا من العالم و يا أحلا من الكون

في ذمتي أنك ساكن ( ن) وسط صدري

ما تشوفني و شلون أحبك شلون

و كل البشر يدرون بأمرك و أمري

صرنا أنا وياك ليلى و مجنون

قصة غرام (ن) كلها حب عذري

أسهر طوال الليل ما غمض جفون

ساهر افكر فيك و الليل يسري

و لما يشق الصبح نوره على هون

يطيب بوحي يا أجمل أبيات شعري

يسعد صباح أحلام هذيك العيون

يا أجمل عيون صاحيه الصبح بدري

هذا العمر كله علشانك يهون

يا إللي عيونك أفتديها بعمري

_______________________________________________________________

حلاة الحب تتعذب علشاني

قلت أعشقك و أنت يا الزين تجفاني

قال ذا طبعي و لاني مغير طبوعي

أصلاً حلاة الحب تتعذب علشاني

و بالأخص ليا عشقت إنسان من نوعي

قلت الله أكبر عليك شلون تقواني

أموت فيك و ما ذبحني يالغضي جوعي

شوف لعيونك كيف قلبي يتحداني

لأجلك طلع يا وليفي من تحت طوعي

قال أنت مجني عليك و ما ني الجاني

و أن كان ماهو بعاجبك غيرت موضوعي

يا أخي خلاص أنسى هواي و تناساني

و ش يجبرك في هواي تحن و تلوعي

قلت أدري أنه سهل عليك تنساني

لكن عليه صعب أطفي شموعي

يا كيف أبنسا و كل الحب يصلاني

قطع عروقي و كسر باقي ظلوعي

خلاص أبرحل و با فكك من أحزاني

لكن عليك الله بس و دعوة دموعي

___________________________________________________________

بعت المحبة ( هكذا) بالساهل

سويتها فيني و أنا ما أستاهل

و أنت الذي أقسمت ما تسويها

صدقت كذبك و أدري أنك جاهل

عرفت أولها و ذا تاليها

ياهيه أنا ماهو عليّ بالساهل

أنسى المحبة (هكذا) و ألغيها

باهلت عيني و الخفوق يباهل

عيني تشوفك و الهوى معميها

رضيت حكمك يوم صرت العاهل

وقويت صداتك و أنا ما أقويها

بعت المحبة ( هكذا) بالساهل

و أنت الذي أقسمت ما تسويها

(___________________________________________________________________

إمتعلق بواحد

لا صار قلبك إمتعلق بواحد

و الشخص هذا ما درى شكثر تغليه

تسهر عشانه طول ليلك تهابد

على فراش السهد ساهر تناديه

تلعن ابو الحظ الردي ليه قاعد

يوم أن كل ( ن ) قام حظه يلبيه

و ش حيلتك لا صار حظك يعاند

أرضى و خل القلب متعلق فيه

و أطلب من الله بالدعا و أنت ساجد

عسى لك الله صاحبك ذاك يهديه

يمكن بيوم أن كان حظك يساعد

تسنح لك الفرصة و ثم تلتقي فيه

و أعلم بأن الحب بركان خامد

لا ثار محد ( ن) يقدر أنه يطفيه

حط الأمل في وسط بالك و جاهد

لا يخيب ظنك و الرجا لا تخليه

إن كان قلبك إمتعلق بواحد

يمكن بيوم يحس و شكثر تغليه

______________________________________________________________

احسنتى الاختيار انه لديوان ملئ بالمشاعر الفياضه وايحاءات توضح ان الشاعر يفيض بنبض قلبه بكل حرف قد خطت يداه سلمتى ودمتى بخير فائق ودى نغوووووووووووووم

» إلى ديوان المظالم
» عبدالله بن انيس (الصحابى الجليل)
» موقع الشيخ سعيدبن عبدالله القرني